Бидний тухай

Эрхэм хүндэт үе үеийн нөхөн сэргээх болон гоо сайхны мэс засалч, мөн энэ салбарт сэтгэл зүрхээ зориулан ажиллаж буй эмч, эмнэлгийн мэргэжилтэн та бүхэнд Монголын Нөхөн Сэргээх Гоо сайхны Мэс засалчдын Нийгэмлэгийн нэрийн өмнөөс чин сэтгэлийн мэндчилгээ дэвшүүлье. Манай нийгэмлэг нь Монгол Улсад нөхөн сэргээх гоо сайхны мэс заслын салбарыг хөгжүүлэх, мэргэжлийн стандартыг дэмжих, эмч нарын мэргэжлийн хөгжил дэвшил, судалгаа, боловсрол, эмнэлзүйн үйл ажиллагааг дэмжин тэлэх, олон нийтэд шинжлэх ухаанч зөв мэдээлэл хүргэх зорилготойгоор 2016 оноос үйл ажиллагаа явуулж эхэлсэн билээ. Бид салбарын мэргэжилтнүүдийг нэгтгэж, мэдлэг туршлага солилцох, дэлхийн шинжлэх ухааны ололтыг Монголдоо нутагшуулах, салбарын мэс засалч, мэргэжилтэнүүдийн ур чадварыг нэмэгдүүлэх зорилгоор Нөхөн сэргээх, гоо сайхны мэс заслын салбарын дотоодын болон олон улсын экспертүүдийн лекц, хэлэлцүүлэг, кейс танилцуулга, workshop бүхий 9 дэхь удаагийн Олон улсын хуралыг 2026 оны 10 дугаар сарын 03-нй өдөр зохион байгуулах гэж байна. Манай Нийгэмлэг цаашид Монголын Нөхөн Сэргээх, Гоо Сайхны мэс засалчдын хөгжилд манлайлан оролцож, хамтдаа илүү том амжилтыг бүтээхийн төлөө хичээнгүйлэн зүтгэх болно. Та бүхнийг бидэнтэй хамтран ажиллаж салбарынхаа хөгжил дэвшилд хувь нэмрээ оруулна гэдэгт итгэж байна. Та бүхэнд аз жаргалын дээд эрүүл мэндийн аз жаргалыг хүсье.